చంద్రబాబు గారు మీకు హ్యాట్సాఫ్.. ప్లాన్ బాగా వర్కవుట్ అయ్యింది: పోసాని
8395 views
విజయవాడ వీడియోలు సబ్స్క్రైబ్ చేసుకోండిపవన్ కళ్యాణ్ను తాను సినిమా ఆర్టిస్ట్గానే చూస్తున్నానని నటుడు, దర్శకుడు, ఏపీ ఫిల్మ్, టీవీ అండ్ థియేటర్ డెవలప్మెంట్ కార్పొరేషన్ ఛైర్మన్ పోసాని కృష్ణమురళి అన్నారు. సినిమా ఆర్టిస్ట్ను చూడటానికి ప్రజలు భారీగా తరలి వస్తారని, అంతకంటే ఇంకేమీ లేదని విమర్శించారు. చంద్రబాబు తన కంటే గొప్పోడని పవన్ కళ్యాణ్ అంటే గనుక ఇక జీవితంలో ఆయన గురించి తాను మాట్లాడనని దండం పెట్టారు పోసాని. ‘నా కంటే చంద్రబాబే గొప్పోడు అని అన్నావంటే, నువ్వు రాజకీయానికి పనికి రావు. నువ్వు మంచి మనిషివి.. నేను ఒప్పుకుంటాను. కాపు సోదరులు అందరికీ చెప్తున్నా.. ఇతను ఒకప్పుడు చాలా మంచివాడు. ఎందుకిలా పిచ్చోడు అయిపోయాడో నాకు అర్థం కావడం లేదు’ అని పోసాని వ్యాఖ్యానించారు. రాజకీయం తెలిసినవాడు, ఓటు విలువ తెలిసినవాడు ఎవడైనా చంద్రబాబుకు ఓటేస్తాడా? అని ప్రశ్నించారు. రాష్ట్రంలో కాపుల మధ్య చంద్రబాబు చిచ్చు పెట్టారని, ఆయన ప్లాన్ బాగా వర్కవుట్ అయ్యిందని సెటైర్లు వేశారు పోసాని.