పీకే తీసేసిన తహశీల్దార్.. ఐప్యాక్ టీమ్ తన్ని తరిమేస్తే జాతకాలు చెప్తున్నాడు: కొడాలి నాని
1233 views
విజయవాడ వీడియోలు సబ్స్క్రైబ్ చేసుకోండిఎన్నికల వ్యూహకర్త ప్రశాంత్ కిషోర్ వ్యాఖ్యల మీద వైసీపీ ఎమ్మెల్యే కొడాలి నాని మండిపడ్డారు. ఏపీలో జగన్ ఓడిపోతారంటూ చేసిన వ్యాఖ్యలకు కొడాలి నాని కౌంటర్ ఇచ్చారు. ఐప్యాక్ టీమ్ తన్ని తరిమేస్తే చంద్రబాబు దగ్గర డబ్బులు తీసుకుని జాతకాలు చెప్తున్నారంటూ కొడాలి విమర్శించారు. పీకేలాంటి వెధవల మాటలను పట్టించుకోవాల్సిన అవసరం లేదని అన్నారు. తెలంగాణలో కేసీఆర్ గెలుస్తాడని, రాజస్థాన్, ఛత్తీస్ఘడ్లలో కాంగ్రెస్ ప్రభుత్వం వస్తుందని పీకే ఎన్నికల ముందు జాతకం చెప్పాడని కొడాలి నాని గుర్తు చేశారు. కానీ ఏమైందంటూ ప్రశ్నించారు. ఏపీలో జగన్కు గెలిచే అవకాశం లేదు.. టీడీపీ గెలుస్తుందని జ్యోతిష్యం చెప్తున్నాడన్న కొడాలి నాని.. లగడపాటి, పీకేలాంటి వాళ్లు డబ్బులు తీసుకుని సర్వేలు చేయకుండా, ప్రజలను మభ్యపెట్టేందుకు ఇలాంటి మాటలు మాట్లాడుతున్నారని మండిపడ్డారు. ఇలాంటి పనికిరాని వ్యక్తులు చెప్పే మాటలను రాష్ట్ర ప్రజలు పట్టించుకోరని అభిప్రాయపడ్డారు.