వైఎస్ జగన్ జీవితంలో ఎత్తు పల్లాలను ‘యాత్ర 2’లో చూపిస్తున్నాం: మహి వి రాఘవ్
1347 views
సినిమా వీడియోలు సబ్స్క్రైబ్ చేసుకోండి‘యాత్ర 2’లో ముఖ్యమంత్రి వై.ఎస్.జగన్మోహన్ రెడ్డి జీవితంలోని ఎత్తుపల్లాలను చూపిస్తామని అన్నారు దర్శకుడు మహి వి రాఘవ్. నేడు దివంగత ముఖ్యమంత్రి వై.ఎస్.రాజశేఖర్ రెడ్డి జయంతి సందర్భంగా ‘యాత్ర 2’ మోషన్ పోస్టర్ను విడుదల చేశారు. హైదరాబాద్లో జరిగిన ఈ మోషన్ పోస్టర్ విడుదల కార్యక్రమంలో మహి వి రాఘవ్, నిర్మాత శివ మేక పాల్గొన్నారు. ఈ సందర్భంగా మహి వి రాఘవ్ మాట్లాడుతూ.. ‘సినిమాకు పెట్టిన కథకు డబ్బులు వస్తాయా? లేదా? అన్నది చూస్తాను. యాత్రలో ఓ రాజకీయ నాయకుడి తన గురించి తాను తెలుసుకోవడం, ప్రజల కష్టాలను తెలుసుకోవడం, ఆయన ఏంటన్నది ప్రజలు తెలుసుకోవడం ఉంటుంది. యాత్ర 2లో 2009 నుంచి 2019 వరకు జగన్ మోహన్ రెడ్డి గారి పీరియడ్ను చూపిస్తాను. ఆయన ఎదుగుదలను పొలిటికల్ డ్రామాగా చూపిస్తాను. యథార్థ సంఘటనలే అయినా కూడా జనాలను ఆకట్టుకునేలా తెరకెక్కించేందుకు ఫిక్షన్ యాడ్ చేస్తాం. తండ్రి ఇచ్చిన మాటను నిలబెట్టే కొడుకు అనే పాయింట్ చుట్టూ ఈ సినిమా నడుస్తుంది’ అని చెప్పారు.