ఇలా ఎవ్వరికీ జరగలేదు అదీ మా నాన్న గొప్పతనం: కృష్ణ కుమార్తె మంజుల
2417 views
సినిమా వీడియోలు సబ్స్క్రైబ్ చేసుకోండితన తండ్రి తమకు ఎప్పుడూ బుర్రిపాలెం వెళ్లాలని చెప్పేవారని.. కానీ తాము ఎక్కువగా ఇక్కడికి రాలేకపోయామని సూపర్ స్టార్ కృష్ణ కుమార్తె మంజుల అన్నారు. ఈసారి సంవత్సరానికి ఒక్కసారైనా బుర్రిపాలెం వస్తామని ఆమె మాటిచ్చారు. ఈ మేరకు శనివారం బుర్రిపాలెంలో జరిగిన కృష్ణ విగ్రహావిష్కరణ కార్యక్రమంలో ఆమె పాల్గొని మాట్లాడారు. ‘బుర్రిపాలెం గ్రామం అంటే నాన్న గారికి ఎంతో ఇష్టం. బుర్రిపాలెం ఎప్పుడు వెళ్తున్నారు, ఒకసారి వెళ్లిరండి అని మాకు ఆయన ఎప్పుడూ చెప్తుండేవారు. ఇంత ప్రేమ, అభిమానానికి మేం దూరమైపోయామనే బాధ నాకు ఎప్పుడూ ఉండేది. ఇప్పటి నుంచి సంవత్సరానికి ఒక్కసారైనా వస్తాం. విగ్రహావిష్కరణకు మేం కచ్చితంగా రావాలని గోపాలకృష్ణ కోరారు. కానీ, నాన్నగారికి ఒక మంచి విగ్రహం పెట్టాలి కదా.. టైమ్ ఇస్తే ఇంకా మంచి విగ్రహం చేయించేవాళ్లం కదా అన్నాను. దానికి గోపాలకృష్ణ ఏమన్నాడో తెలుసా.. సొంతంగా అందరూ పెట్టుకుంటారు, కానీ అభిమానులు ప్రేమ, అనురాగంతో విగ్రహం పెడతారు అన్నారు. ఇలా ఎవరికీ జరగలేదు. అదీ గొప్పతనం అంటే. ఈ విషయంలో మీ అందరికీ మనస్ఫూర్తిగా ధన్యవాదాలు చెబుతున్నాను’ అని అన్నారు.