ట్రెండింగ్

Prakash Raj: ప్రకాష్ రాజ్‌కు చేదు అనుభవం.. గోమూత్రంతో కడిగేసిన విద్యార్థులు

Name: Prakash Raj: ప్రకాష్ రాజ్కు చేదు అనుభవం.. గోమూత్రంతో కడిగేసిన విద్యార్థులు
Uploaded: 2023-08-09T15:50:20+05:30
Duration: 3 min 6 s
Channel: వరప్రసాద్ మాకిరెడ్డి

2603 views

సినిమా వీడియోలు సబ్‌స్క్రైబ్ చేసుకోండి

లైక్ చెయ్యండి
షేర్ చేయండి కామెంట్‌ చేయండి
షేర్

విలక్షణ నటుడు ప్రకాష్ రాజ్‌కు నిరసన సెగ తగిలింది. కర్ణాటకలోని శివమొగ్గలో ఓ కాలేజీలో జరిగిన చర్చా కార్యక్రమానికి ప్రకాష్ రాజ్ హాజరయ్యారు. అయితే ఆయన వెళ్లిన తర్వాత కాలేజీలో ప్రకాష్ రాజ్ సందర్శించిన ప్రాంతాన్ని కొంతమంది విద్యార్థులు గోమూత్రంతో శుద్ధి చేశారు. ఈ వీడియోలు ఇప్పుడు సోషల్ మీడియాలో వైరల్ అవుతున్నాయి. శివమొగ్గ జిల్లా భద్రావతిలోని సర్ ఎంవీ ఆర్ట్స్ అండ్ కామర్స్ కాలేజీలో జరిగిన ఒక చర్చా కార్యక్రమంలో ప్రకాష్ రాజ్ పాల్గొన్నారు. ఫెడరేషన్ ఆఫ్ ప్రోగ్రెసివ్ ఆర్గనైజేషన్స్ ఆధ్వర్యంలో ‘డైలాగ్ ఆన్ థియేటర్, సినిమా అండ్ సొసైటీ’ అనే అంశంపై ఈ డిబేట్ నిర్వహించారు. అయితే ఇదొక ప్రైవేటు కార్యక్రమం అని.. దీన్ని కాలేజీలో ఎలా నిర్వహిస్తారని కొంత మంది విద్యార్థులు ఆందోళనకు దిగారు. కార్యక్రమానికి వ్యతిరేకంగా నినాదాలు చేశారు. ఈ నేపథ్యంలో పోలీసులు విద్యార్థులను లోపలికి వెళ్లనివ్వకుండా బారికేడ్లు పెట్టి అడ్డుకున్నారు. అయితే చర్చా కార్యక్రమం పూర్తయ్యి ప్రకాష్ రాజ్ వెళ్లిపోయిన తరవాత కార్యక్రమం జరిగిన ఆడిటోరియం హాలును, ప్రకాష్ రాజ్ నడిచిన మార్గాన్ని .. కొంతమంది విద్యార్థులు శుద్ధి చేశారు. గోమూత్రం, నీటితో ఆ ప్రాంగణమంతా శుభ్రం చేశారు. విద్యార్థులు ఆడిటోరియం హాలును శుద్ధిచేస్తున్న దృశ్యాలు ప్రస్తుతం సోషల్ మీడియాలో వైరల్‌గా మారాయి. అయితే, వీరంతా ఏబీవీపీ విద్యార్థి సంఘానికి చెందినవారని తెలుస్తోంది. బీజేపీ ప్రభుత్వానికి వ్యతిరేకంగా మాట్లాడే ప్రకాష్ రాజ్‌ను అడ్డుకోవాలని వీరు ప్రయత్నించారట. కానీ, పోలీసులు అడ్డుకోవడంతో ప్రకాష్ రాజ్ వెళ్లిపోయిన తరవాత ఆ ప్రాంతాన్ని గోమూత్రంతో శుద్ధి చేసి నిరసన వ్యక్తం చేసినట్లు సమాచారం.

cinemaTimesXP TeluguUpdated: 9 Aug 2023, 3:50 pm