Nani 31: ‘సరిపోదా శనివారం’ టైటిల్ గ్లింప్స్.. మరో సరికొత్త కాన్సెప్ట్తో నాని సినిమా
1114 views
టీజర్లు, ట్రైలర్లు వీడియోలు సబ్స్క్రైబ్ చేసుకోండి‘అంటే సుందరానికీ’ సినిమా తరవాత దర్శకుడు వివేక్ ఆత్రేయతో మరోసారి చేతులు కలిపారు నేచురల్ స్టార్ నాని. ఇది నాని 31వ సినిమా. ‘ఆర్ఆర్ఆర్’ లాంటి అంతర్జాతీయ స్థాయి సినిమా నిర్మించిన డీవీవీ ఎంటర్టైన్మెంట్ సంస్థ ఈ సినిమాను నిర్మిస్తోంది. ఇటీవలే ఈ ప్రాజెక్ట్ను అనౌన్స్ చేశారు. ప్రియాంక అరుల్ మోహన్ హీరోయిన్. ప్రముఖ దర్శక నటుడు ఎస్.జె.సూర్య.. ఈ సినిమాలో కీలక పాత్ర పోషిస్తున్నారు. ఈరోజు ఈ సినిమా టైటిల్ను ప్రకటించారు. ఫస్ట్ లుక్ను, టైటిల్ గ్లింప్స్ను విడుదల చేశారు. ‘సరిపోదా శనివారం’ అనే వెరైటీ టైటిల్ ఈ సినిమాకు పెట్టారు. అంతేకాదు, సినిమా కాన్సెప్ట్ కూడా చాలా వెరైటీగా ఉంది. హీరోకి దొరికేది ఈ ఒక్క శనివారమేనట. సాయి కుమార్ వాయిస్ ఓవర్తో గ్లింప్స్ అదిరిపోయింది. జేక్స్ బెజోయ్ అందించిన బ్యాక్గ్రౌండ్ స్కోర్ కూడా చాలా బాగుంది. మొత్తంగా చూసుకుంటే మరోసారి సరికొత్త కాన్సెప్ట్తో నాని ప్రేక్షకుల ముందుకు వచ్చేందుకు సిద్ధమవుతున్నారు. ఈ పాన్ ఇండియా మూవీని డీవీవీ దానయ్య, కళ్యాణ్ దాసరి నిర్మిస్తు్న్నారు.