వరలక్ష్మీ శరత్కుమార్ ‘మ్యాన్షన్ 24’ ట్రైలర్.. ఓంకార్ అన్నయ్య మళ్లీ భయపెట్టేశాడు!
1182 views
టీజర్లు, ట్రైలర్లు వీడియోలు సబ్స్క్రైబ్ చేసుకోండిప్రముఖ టీవీ హోస్ట్, దర్శకుడు ఓంకార్ హారర్ జోనర్ సినిమాలతో ఇప్పటికే ప్రేక్షకులను అలరించారు. ‘రాజుగారి గది’ ఫ్రాంచైజ్తో ఓంకార్ ప్రేక్షకులను కట్టిపడేశారు. అయితే, ఓంకార్ దర్శకత్వంలో సినిమా వచ్చి సుమారు నాలుగేళ్లు అయిపోతోంది. అందుకే ఇప్పుడు వెండితెర మీద కాకుండా ఇంట్లోనే బుల్లితెర మీద భయపెట్టేందుకు ఆయన సిద్ధమయ్యారు. ‘మ్యాన్షన్ 24’ అనే హారర్ సిరీస్తో ప్రేక్షకుల ముందుకు వస్తున్నారు. వరలక్ష్మీ శరత్కుమార్, సత్యరాజ్, అవికా గోర్, బిందుమాధవి, సిమ్రన్, రావు రమేష్, జయప్రకాశ్, నందు వంటి ప్రముఖ నటీనటులు నటించిన ఈ సిరీస్ అక్టోబర్ 17 నుంచి డిస్నీ+హాట్స్టార్లో స్ట్రీమింగ్ కానుంది. ఓక్ ఎంటర్టైన్మెంట్పై ఓంకార్, అశ్విన్ బాబు, కళ్యాణ్ చక్రవర్తి ఈ సిరీస్ను నిర్మించారు. వికాశ్ బాదిషా సంగీతం సమకూర్చారు. బి.రాజశేఖర్ సినిమాటోగ్రఫీ అందించారు. అశోక్ కుమార్ ఆర్ట్ డైరెక్టర్. ఆదినారాయణ ఎడిటర్.