కామారెడ్డిలో 20 నెలల చిన్నారిపై వీధి కుక్కల దాడి.. సీసీ ఫుటేజీ
2085 views
నిజామాబాద్ వీడియోలు సబ్స్క్రైబ్ చేసుకోండికామారెడ్డి జిల్లాలో వీధి కుక్కలు స్వైర విహారం చేస్తున్నాయి. బాన్సువాడ మండల కేంద్రంలోని మదీనా నగర్లో 20 నెలల చిన్నారిపై వీధి కుక్క దాడి చేసిన ఘటన ఇప్పుడు సర్వత్రా కలకలం రేపుతోంది. ఇంటి ముందు ఆడుకుంటున్న చిన్నారిపై ఓ వీధి కుక్క ఒక్కసారిగా వచ్చి దాడి చేసింది. చిన్నారిని నోట కరుచుకుని లాక్కెల్లే ప్రయత్నం చేసింది. అయితే.. ఆ చిన్నారి గట్టిగా ఏడుపు లంకించుకోవటంతో.. కుక్క అక్కడి నుంచి వెళ్లిపోయింది. వెంటనే కుటుంబ సభ్యులు గమనించి.. తీవ్ర గాయాలైన చిన్నారిని ఆస్పత్రికి తరలించారు. పరిశీలించిన వైద్యులు చిన్నారికి ఎలాంటి ప్రమాదం లేదని తెలిపారు. అయితే.. ఈ దాడికి సంబంధించిన దృశ్యాలు అక్కడే ఉన్న సీసీ టీవీ కెమెరాల్లో రికార్డయ్యాయి. కాగా.. తమ ఏరియాలో చాలా కుక్కలున్నాయని.. ఎన్ని సార్లు ఫిర్యాదు చేసినా అధికారులు పట్టించుకోవట్లేదని స్థానికులు ఆగ్రహం వ్యక్తం చేస్తున్నారు. మరోవైపు ఎప్పుడు ఏం జరుగుతుందోనని భయపడుతున్నారు.