ట్రెండింగ్

విశాఖలో చిరుత? ఇంట్లోకి చొరబడి కుక్కపై దాడి, ఒకే పులి అన్నిచోట్ల ఎలా?

Name: విశాఖలో చిరుత? ఇంట్లోకి చొరబడి కుక్కపై దాడి, ఒకే పులి అన్నిచోట్ల ఎలా?
Uploaded: 2019-10-14T19:22:47+05:30
Duration: 44 s

1004 views

వైరల్ వీడియోలు వీడియోలు సబ్‌స్క్రైబ్ చేసుకోండి

లైక్ చెయ్యండి
షేర్ చేయండి కామెంట్‌ చేయండి
షేర్

పులి ఎక్కడ తిరిగినా మన ఊరిలోనే తిరుగుతుందని భ్రమ కలిగిస్తున్నారు సోషల్ మీడియా ఆకతాయిలు. ఇందుకు ఈ ‘పులి’ వీడియోనే సాక్ష్యం. గత కొద్ది రోజులుగా వాట్సాప్, ఫేస్‌బుక్, ట్విట్టర్‌లలో చక్కర్లు కొడుతున్న ఈ పులి వీడియోనూ మీరూ చూసే ఉంటారు. విశాఖటప్నంలోని పోతిన మల్లయ్య పాలెం చివరి బస్టాండ్‌లోని ఓ ఇంట్లోకి చిరుతు పులి చొరబడిందని, అది ఇంటి బయట నిద్రపోతున్న కుక్కపై దాడి చేసి చంపేసిందంటూ ఈ వీడియో షేర్ అవుతోంది. వాస్తవానికి ఇది విశాఖపట్నంలో చోటుచేసుకోలేదు. అలాగని, ఫలానా ప్రాంతంలో చోటుచేసుకుందని కూడా ఖచ్చితంగా చెప్పలేం. ఈ ఘటన ఎక్కడ జరిగిందో తెలుసుకొనేందుకు ‘సమయం తెలుగు’ వైరల్ టీమ్ ‘యూట్యూబ్’లో సెర్చ్ చేయగా ఇదే వీడియో అనేక ప్రాంతాల పేరుతో కనిపించింది. ఓ కర్ణాటకకు చెందిన ఓ టీవీ చానెల్‌ ఈ ఘటన ఆ రాష్ట్రంలోని మాంద్యలో చోటుచేసుకుందని ఈ వీడియో ప్రసారం చేసింది. అలాగే మరికొన్ని యూట్యూబ్ చానళ్లు మహారాష్ట్ర, హిమాచల్ ప్రదేశ్, కేరళాలో ఈ ఘటన చోటుచేసుకున్నట్లు వీడియోలను పోస్టు చేశాయి. ఇవన్నీ పరిశీలిస్తే.. ఈ ఘటన విశాఖలో చోటుచేసుకోలేనట్లు స్పష్టమవుతోంది. దీనిపై విశాఖ అటవీ అధికారులు కూడా స్పష్టత ఇచ్చారు. పులి జనవాసాల్లోకి చొరబడిన సమాచారం ఏదీ తమకు అందలేదని వెల్లడించారు. ఈ నేపథ్యంలో విశాఖలో పులి కుక్కను చంపేసిందనే సమాచారంతో షికారు చేస్తున్న ఈ వీడియో ఫేక్ అని స్పష్టమవుతోంది. కాబట్టి.. విశాఖవాసులు దీని గురించి పెద్దగా ఆందోళన చెందకుండా ధైర్యంగా ఉండవచ్చు. మరో ప్రముఖ టీవీ చానల్ కథనం ప్రకారం.. ఈ ఘటన తమిళనాడులో జరిగినట్లు తెలుస్తోంది. ప్రస్తుతం ఈ వీడియో సోషల్ మీడియా చేతుల్లో పడిన నేపథ్యంలో మున్ముందు.. మరిన్ని రాష్ట్రాల్లో పేర్లతోనూ ఈ వీడియో వైరల్‌గా మారే అవకాశం ఉంది. సోషల్ మీడియా తలచుకుంటే ‘ఒకే పులి’ని ఎన్ని ప్రాంతాల్లోనైనా తిప్పగలదు.

viral videosTimesXP TeluguUpdated: 14 Oct 2019, 7:22 pm